Gaur lehenik eta behin
egin duguna animalien jolasa izan da, hau da, lerro batean jarri gara eta
irakasleak bakoitzari animalia bat esan digu. Gero, imitatu behar izan dugu
gelaren zehar gure bikotea (animalia bera duen horrek) aurkitzen saiatzeko.
Gerora, bat, kasu honetan
Jon, domadorearen rola hartu du eta gainerakook egin behar izan dugu hark
agindu duena, adibidez, pailasoa, elefantea, argazki-kamara, …
Jarraian, musikarekin
batera, espazioren zehar ibili gara zirkuaren pertsonaiak imitatuz. Hala eta
guztiz ere, musika gelditzean, izoztua geratu behar izan gara. Horrez gain,
ibiltzearen modua intentsitatea jaitsi edo igo egin behar izan dugu
irakaslearen arabera.
Aurreko aktibitate horiei
esker, pentsatzen dut umeek pertsonai desberdinak lantzen ikasi ahal dutela eta
gainera, ezaugarriak pertsonaiei lotzeko gai izan ahal dira.
Gainera, klase honetan
oso aktibitate dibertigarri bat egin dugu guztion artean oreka lantzeko. Denok
bankuan altxatu gara eta posizioak aldatzen joan gara adinaren, altuaren, esku tamainaren
edo zapata zenbakiaren arabera. Oso ondo pasatu dut batzuetan zaila izanda ere.
Alabaina, irakaslea izango banintz, erabiliko nuke oreka lantzeko eta umeek
sailkapenak egiten irakasteko, oso eredu argia delako.
Beranduago, ohiko taldeka
jarri gara eta gorputzarekin 1tik 9ra zenbakien 2 edo 3 dimentsioko figurak
egin behar izan ditugu elkarrekin eta, bukatzean, klase guztien artean aurkeztu
ditugu. Gero, talde berean letrak egin ditugu gorputzarekin 3 hitz adierazteko
eta tartean loturak egiteko koreografia bat pentsatu dugu. Ondoren,
aurkeztean, gainerakoek asmatu egin behar izan dute zer hitz egin dugun. Aktibitate
horretarako gure sormena erabili izan behar dugu modu desberdinetan zenbakiak
adierazteko eta nahiko zaila iruditu zaidanez, sinplifikatuko nuke eta zenbaki
gutxiago egitea eskatuko nieke
adibidez.
Orobat, talde handian
jarri gara korro bat eginez eta banan-banan erdira joan gara mugimendu bat
egitera perkusioarekin, eta besteek kopiatu egin behar izan dituzte. Lotsa
kentzeko baliogarria da eta, nahiz eta tokatu aurretik zer egin jakin ez,
inprobisazioa egin dut eta oso ondo pasatu dut.
Ekintza hori bukatzean,
binaka jarri gara eta hasi gara dantzatzen musika desberdinekin. Geroago jarri
gara hirunaka eta, azkenik, talde osoa batera dantzatu dugu.
Bukatzeko, erlaxazio bat
egin dugu eta horretarako bakoitzak koltxoneta bat hartu dugu eta lurrean jarri
dugu etzanda jartzeko. Irakasleak argiak itzali ditu eta gure gorputzaren atal
desberdinak sentiarazi dizkigu, tentsioa eta erlaxazioa nabarituz.
